Frábært kaffi frá Indónesíu sem unnið er með nútímalegum aðferðum í sátt við náttúruna. Manis merkir „sætur“ á tungumálinu Bahasa og getur bæði átt við kaffibragðið en einnig fólk og fyrirbæri sem allir elska.
Vestast á eynni Jövu rekur Mustofa-fjölskyldan fullkomna kaffigerð. Þau hafa þróað eigin aðferðir við gerjun og leggja mikið upp úr nákvæmni og gæðum. Kaffibaunirnar eru forþurrkaðar í gróðurhúsum vegna rakans í loftinu og verklagið við þvott kaffiberjanna tryggir jöfn bragðgæði og virðir vatnsverndarsjónarmið.
